Կալանավորված փոխնախարարը ազատվել է զբաղեցրած պաշտոնից
ՀՀ վարչապետ Նիկոլ Փաշինյանի որոշմամբ՝ Կրթության, գիտության, մշակույթի եւ սպորտի նախարարության սպորտի գծով փոխնախարար Գեւորգ Լոռեցյանն ազատվել է պաշտոնից: Այս մասին տեղեկանում ենք e-gov.am-ից: Որոշման մեջ նշված է հետեւյալը.
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Գեւորգ Լոռեցյանին ազատել կրթության, գիտության, մշակույթի եւ սպորտի նախարարի տեղակալի պաշտոնից»:
Լոռեցյանը կալանավորվել է դեկտեմբերի սկզբին: Մեղադրվում է առանձնապես խոշոր չափերով կաշառք ստանալու մեջ եւ չի ընդունում իրեն առաջադրված մեղադրանքը: Կալանավորելու որոշումը բողոքարկվել է Վերաքննիչ դատարան:
