Երեխաների վաճառքի թեման հանգիստ չի տալիս ինձ, մեղքի զգացում է քերում հոգիս. Արման Եղոյան

ԱԺ «Իմ քայլը» խմբակցության անդամ Արման Եղոյանը ֆեյսբուքյան իր էջում գրել է, որ երեխաների վաճառքի թեման ուղղակի հանգիստ չի տալիս իրեն։

Գրառումը ստորև․

«Էս երեխաների վաճառքի թեման ուղղակի հանգիստ չի տալիս ինձ, գլխիցս դուրս չի գալիս էդ պատմությունը, մի տեսակ մեղքի զգացում ա քերում հոգիս, ու ամեն օր մի նոր վկայություն ա ի հայտ գալիս, էդ երեխաներից յուրաքանչյուրի ճակատագիրը պետք ա բացվի, դա մեր՝ հասարակության, հանրության, բայց նախ և առաջ՝ իրավապահների պարտքն ա։ 

Յուրաքանչյուր մեկը, ով նույնիսկ նվազագույն հանցակցություն ա ունեցել էդ շղթայի մեջ, չպիտի խուսափի պատասխանատվությունից, միայն դրանից հետո մենք կկարողանաք, որպես հանրություն, գոնե ինչ-որ չափով վերականգնել մեր ներքին անդորրը, ես չեմ կարողանում հավատալ, որ նման բան կարող էր տեղի ունենալ մեր մեջ, մեզ հետ…»,- գրել է նա: