Այսօր էլ ես ինձ չեմ առանձնացնում ձեզանից. Վանեցյանը՝ ԱԱԾ աշխատողներին

ԱԱԾ նախկին ղեկավար Արթուր Վանեցյանն Instagram-ի իր միկրոբլոգում շնորհավորել է ԱԱԾ աշխատակիցներին՝ մասնագիտական տոնի առթիվ։

Շնորհավորանքում Վանեցյանը գրել է. «ՀՀ Ազգային անվտանգության ծառայության պատվարժա՛ն զինծառայողներ, սիրելի՛ վետերաններ,
Ջերմորեն շնորհավորում եմ ձեզ մասնագիտական տոնի կապակցությամբ:

Ինձ համար մեծ պատիվ է եղել լինել մեկը ձեզանից և ձեր զինակից եղբայրը: Այսօր էլ ես ինձ չեմ առանձնացնում ձեզանից և մեր հարազատ ծառայությունից:

Հայրենիքի անվտանգությունը վեր է ցանկացած քաղաքական հաշվարկներից և շահերից: Ժամանակն անցողիկ է, իսկ Հայաստանի ու Արցախի շահերն ու ապահովությունը՝ մնայուն:

Մաղթում եմ բոլորիդ անփորձանք և արդյունավետ ծառայություն, անձնական ու ծառայողական հաջողություններ հանուն մեր հայրենիքի անվտանգության, կայունության և վերելքի:
Պատիվ ունեմ»։