ՏԵՍԱՆՅՈՒԹ․ Մարիամ Փաշինյանի համար որևէ փոխադրամիջոց ձեռք չի բերվել․ պարզաբանում

Մարիամ Փաշինյանի համար նոր փոխադրամիջոց ձեռք չի բերվել, նրան սպասարկող մեքենան էլ 2019թ․-ի արտադրության չէ։ Այս մասին Auroranews-ի հետ զրույցում ասաց ՀՀ վարչապետի մամուլի խոսնակ Վլադիմիր Կարապետյանը։  Կառավարության Տեղեկատվության և հասարակայնության հետ կապերի վարչության պետի պաշտոնակատարն էլ մեքենայի մասին տեղեկություններ չհայտնեց, սակայն նշեց․ « Հատուկ պետական պաշտպանության ենթակա անձանց անվտանգության ապահովման մասին» ՀՀ օրենքի 6.1-րդ հոդվածի 3-րդ մասի համաձայն «Վարչապետի պաշտոնավարման ժամանակահատվածում պետական պահպանություն տրամադրվում է նաև նրա հետ համատեղ բնակվող, ինչպես նաև նրան ուղեկցող ընտանիքի անդամներին»: 

Ավելի վաղ այս մասին գրել էր Politik.am-ը` նշելով, որ 27 հազար դոլար արժողությամբ մեքենան Մարիամ Փաշինյանն ընտրել է անձամբ, և այն գնվել է պետական պահպանության ծառայության միջոցներով։

Մանրամասները՝ տեսանյութում