ՏԵՍԱՆՅՈՒԹ․ Վրաերթ Նաիրի Զարյան փողոցում․ պատկան մարմինները հրաժարվում են լուսացույց տեղադրել
Այսօր առավոտյան վրաերթ է տեղի ունեցել Երևանի Նաիրի Զարյան փողոցում գտնվող հետնիոտնային անցման վրա։ Տուժել է 2 կին, որոնց տեղափոխել են Միքայելյան վիրաբուժության ինստիտուտ։
«Վրաերթի հետևանքով 2 կնոջ տեղափոխել են մեզ մոտ, երկուսի վիճակն էլ բավարար է։ Նրանցից մեկը ստացել է փակ կոտրվածք, պատրաստվում ենք վիրահատել»,- Auroranews-ի հետ զրույցում ասացին ԲԿ-ից։
Նշենք, որ տարածքում տեղադրված տեսախցիկները ֆիքսել են, թե դեպքն ինչպես է տեղի ունեցել։
Հատկանշական է, որ Auroranews-ը պարբերաբար ահազանգել է տվյալ հատվածում լուսացույց տեղադրելու անհրաժեշտության մասին, սակայն պատկան մարմինները մինչ օրս որևէ քայլ չեն ձեռնարկել։
