Երևանում ևս մեկ փողոց միակողմ է դառնում․ փոփոխությունն ուժի մեջ կմտնի օգոստոսի 17-ից

Երևանի Արաբկիր վարչական շրջանի Շահսուվարյան փողոցում օգոստոսի 17-ից կփոխվի երթևեկության կազմակերպումը՝ մայրաքաղաքում տրանսպորտային հոսքերի անցանելիությունն ավելացնելու նպատակով։

Երևանի քաղաքապետարանից տեղեկացնում են, որ տրանսպորտային հոսքերի անցանելիության բարձրացման նպատակով օգոստոսի 17-ից Արաբկիր վարչական շրջանի Շահսուվարյան փողոցում երթևեկության կազմակերպման փոփոխություն կիրականացվի։ Մասնավորապես՝ Մամիկոնյանց և Շահսուվարյան փողոցների հատման վայրից մինչև Կոմիտասի պողոտայի ու Շահսուվարյան փողոցի խաչմերուկ ընկած հատվածում երթևեկությունը դառնալու է միակողմանի։