«Բարսելոնա»-ն Մեսսի ունի, բայց մենք էլ այլ «զենք» ունենք. Զիդանը` «Էլ կլասիկո»-ի մասին
Մադրիդի «Ռեալ»-ի գլխավոր մարզիչ Զինեդին Զիդանը «Էլ կլասիկո»-ից առաջ անդրադարձել է թիմերի շանսերին:
«Վերջին մի քանի հանդիպումներում «Ռեալ»-ը լավ է հանդես գալիս: Մեզ գոհացնում է իրադարձությունների ընթացքը:
Մեզ պետք է կենտրոնանալ խաղի վրա և վերջ: «Էլ կլասիկո»-ն այն խաղերից է, որի ընթացքում դու ապրում ես: Գիտենք, որ «Բարսելոնա»-ն Մեսսի ունի, բայց մենք էլ այլ «զենք» ունենք»,- Զիդանի խոսքը փոխանցում է AS-ն:
Լա Լիգայի ամենասպասված հանդիպումը տեղի կունենա դեկտեմբերի 18-ին և կմեկնարկի Երևանի ժամանակով 23:00-ին:
