«Լավ չի» – «Էդքան էլ վատ չի»․ լակոնիկ բանավեճ ԱԺ-ում

Կառավարությունն արտահերթ ռեժիմով Ազգային ժողով է ներկայացրել 4 վարկային համաձայնագրեր, որոնց ընդհանուր գումարը գերազանցում է 120 միլիոն եվրոն։ Այս մասին հայտնի է դառնում օրակարգի ուսումնասիրությունից։

Պատգամավորների հարցերին պատասխանելիս ֆինանսների նախարարի տեղակալ Արմեն Հայրապետյանը բացատրեց, որ թեև այս տարի միջոցների ավելցուկ է եղել, բայց դրանք նախատեսված են եղել այլ ծրագրերի համար, ու հիմա անհրաժեշտ է վերցնել այդ վարկերը։

«Լավ չի», – լակոնիկ պատասխանեց ԲՀԿ խմբակցությունից Տիգրան Ուրիխանյանը։

«Առաջ ընկնելով ասեմ, որ էդքան էլ վատ չի», – արձագանքեց փոխնախարարը։

Այս «բանավեճը» ծիծաղեցրեց ներկաներին։

Փոխնախարարը խոստացավ, որ սրանք վերջին բյուջետային վարկերն են։