Բազմիցս նշել ենք՝ Մալյանին աղբարկղը գցելու քայլի շարժառիթը որն է եղել, մեր արարքից գոհ ենք. Պետրոսյան
Մենք բազմիցս նշել ենք՝ Նարեկ Մալյանին աղբարկղը գցելու մեր քայլի շարժառիթը որն է եղել, լրագրողների հետ զրույցում ասաց «Ռեստարտ» խմբի անդամ Դավիթ Պետրոսյանը։
«Շատ ուրախ ենք, որ դատական նիստը սկսվեց և հուսով ենք, որ այս գործի միջոցով կպայքարենք հահոյանքի մշակույթի դեմ։ Մենք ճիշտ բան ենք արել։ Մեր արարքից գոհ ենք, շատ գոհ ենք, որ գտնվում ենք այս պրոցեսի մեջ։ Շատ կարևորում ենք գործի քննության ընթացքը», - ասաց նա։
Դավիթ Պետրոսյանի խոսքով՝ իրենք ամեն ինչ անելու են, որպեսզի Հայաստանում տիրի արժանապատիվ մթնոլորտ։
«Մենք ֆիզիկական բռնություն չենք գործադրելու։ Մալյանին աղբամանը նետելը միջոցառում էր, որի նպատակը եղել է հանրային իրազեկումը», - ասաց նա։
