Փորձ է արվում որպես քաղաքական հետապնդում որակել, ինչն ընդունելի չէ. Մակունցը՝ Սերժ Սարգսյանի մեղադրանքի մասին

ՀՀ երրորդ նախագահ Սերժ Սարգսյանին առաջադրված մեղադրանքը քաղաքական հետապնդում չէ, լրագրողների հետ ճեպազրույցում ասաց ՀՀ ԱԺ «Իմ քայլը» խմբակցության ղեկավար Լիլիթ Մակունցը:

Անդրադառնալով ՀՀԿ փոխնախագահ Արմեն Աշոտյանի հայտարարությանը, որ Սերժ Սարգսյանի նկատմամբ հարուցված քրգործն օդ է՝ Մակունցն ասաց.

«Այն միտումը, որով փորձ է կատարվում ամենը որպես քաղաքական հետապնդում որակել չի կարող ընդունելի լինել», - ասաց Մակունցը:

Վերջինս նկատեց, որ Սերժ Սարգսյանին մեղադրանք առաջարդելու նույն օրը կոռուպցիոն գործողությունների մեջ ներգրավված լինելու կասկածանքով մեղադրանք է առաջադրվել ԿԳՄՍ փոխնախարար Գևորգ Լոռեցյանին, ինչը փաստում է՝ կոռուպցիայի դեմ պայքարում չկա զիջում ընդդիմադիր կուսակցության ներկայացուցիչների և թիմակիցների միջև։