Խորհրդարանն ընդունեց 2020 թվականի բյուջեի նախագիծը. բյուջեի ծախսերը նվազել են

ԱԺ-ն հավանության արժանացրեց 2020 թվականի բյուջեի նախագիծը:

Նախագծով գալիք տարում ընդհանուր եկամուտները պակաս կլինեն 2,6 մլրդ դրամով՝ կապված այլ եկամուտների փոփոխությամբ և կկազմեն 1 տրիլիոն 695 մլրդ դրամ, հարկային եկամուտները կանխատեսվում է 1 տրիլիոն 602 մլրդ դրամի չափով: Կապված փոխարժեքների փոփոխության հետ՝ վերանայվել է պաշտոնական դրամաշնորհների մակարդակը. այն կանխատեսվում է 35,3 մլրդ դրամի շրջակայքում, այլ եկամուտները կստացվեն 57,4 մլդ դրամի չափով:

Բյուջեի ծախսերը նվազել են 24,5 մլրդ դրամով և կկազմեն շուրջ 1 տրիլիոն 855,7 մլրդ դրամ, ընդ որում՝ ընթացիկ ծախսերին կուղղվի 1 տրիլիոն 568 մլրդ դրամ, կապիտալ ծախսերին՝ 288 մլրդ դրամ: Պակասուրդը կանխատեսվում է 42,5 մլրդ դրամի չափով: