ԲՀԿ-ն առաջարկում է բանակում ինքնասպանության դրդելու համար նախատեսել մինչև 12 տարի ազատազրկում
Խորհրդարանում քննարկվում է «ՀՀ քրեական օրենսգրքում լրացում կատարելու մասին» օրենքի նախագիծը:
Հարցով հիմնական զեկուցող ԲՀԿ խմբակցության պատգամավոր Նաիրա Զոհրաբյանը նշեց, որ կարգավորումներն ուղղված են բանակում ինքնասպանությունների թվի նվազմանը:
«Թշնամու կրակոցից շատ ավելի քիչ զինվոր է զոհվում, քան ինքնասպանություններից՝ բանակում ոչ ճշգրիտ հարաբերությունների առումով», - ասաց Զոհրաբյանը:
Վերջինս նկատեց, որ քրեական օրենսգրքում ինքնասպանության դրդելու համար նախատեսվում է մինչև 3 տարի ազատազրկում, մինչդեռ, ըստ Զոհրաբյանի, պատժի այս չափը մեղմ է:
Նախագծով առաջարկվում է նման արարքները դիտարկել որպես զինվորական կարգի դեմ ուղղված արարք և խստացնել պատժաչափը մինչև 12 տարի:
