Գագիկ Ծառուկյանը միշտ էլ թոփ թեմա է եղել. Գևորգ Պետրոսյան

Գագիկ Ծառուկյանը միշտ էլ թոփ թեմա է եղել, նայած, թե ով ինչպես է ուզում այդ թեման զարգացնել: Այս մասին, այսօր՝ դեկտեմբերի 4-ին, ԱԺ-ում լրագրողների հետ զրույցում նշեց ԲՀԿ խմբակցության պատգամավոր Գեւորգ Պետրոսյանը՝ անդրադառնալով հարցին, թե ինչով է պայմանավորված, որ Գագիկ Ծառուկյանը ԱԺ-ում թոփ թեմա է դարձել վերջին օրերին:

«Գագիկ Ծառուկյանն այսօր հանրությանը հայտնի ամենաակնառու քաղաքական գործիչներից է, այս պետության մեջ բացառիկ ներդրում ունեցած մարդ է»,-ասաց նա:

Անդրադառնալով Ծառուկյանի վերջին օրերի արտահայտություններին, Գեւորգ Պետրոսյանն ասաց. «Հենց Ծառուկյանը մի արտահայտություն անում է, որ առաջին հայացքից վիճելի է, միանգամից, բոլոր լրատվամիջոցներն անդրադառնում են, բա ինչու այդ լրատվամիջոցները չեն անդրադառնում Ծառուկյանի բարեգործական քայլերին, իր քաղաքական ու քաղաքացիական կեցվածքին»:

ԲՀԿ-ական պատգամավորն անդրադարձավ նաեւ Երեւանի քաղաքապետ Հայկ Մարությանի հայտարարությանը, թե իրենց հետ հանդիպման Աբու Դաբիի շեյխի ներկայացուցիչները ջինսով էին եկել. «Ասում են՝ ջինս ա հագել, կիրակի օրով ի՞նչ պետք է հագներ, կարո՞ղ ա հարսանիք էր գնում: Մարդիկ էսօր խնդրում են, որ մի աղբյուրից մի 100 հազար ներդրում բերեն էս երկիր, որ մարդիկ չլքեն Հայաստանը: Ծառուկյանն իր կապերով 2 մլրդ դոլարի ներդրում էբերում, համարյա խնդիրը լուծված է, ու անխոհեմ պահվածքի պատճառով վիժեցվում է ծրագիրը»: