Ես ոչ թե տարին մեկ եմ մարաթոնին բարեգործություն անում, այլ ամեն օր. Ծառուկյան

Ես ոչ թե տարին մեկ եմ մարաթոնին բարեգործություն  անում, այլ ամեն օր՝ Արցախ-Սփյուռք-Հայաստան իմ ժողովրդի համար, իմ հնարավորության սահմաններում։ Իմ ընտանիքի կողմից դա կատարում եմ, լրագրողների հետ զրույցում հայտարարեց ԲՀԿ առաջնորդ Գագիկ Ծառուկյանը՝ անդրադառնալով «Հայաստան» համահայկական հիմնադրամի կազմակերպած հեռուստամարաթոնին իր չմասնակցելու թեմային։
Հարցին՝ ինչո՞ւ հեռուստամարաթոնի ընթացքում այս տարի 10 մլն դոլարից քիչ գումար հավաքվեց, նա պատասխանեց. «Գնացեք, իրենց հարցրեք, ես ուրիշի տեղն ի՞նչ կարող եմ ասել: Ես ուրիշի տեղը չեմ պատասխանում»:

Հիշեցնենք, որ այս տարի «Հեռուստամարաթոն 2019» նվիրաբերվել է 9 մլն 856 հազար ԱՄՆ դոլար: 2006 թվականից ի վեր սա գրանցված ամենացածր ցուցանիշն է։ Առաջին անգամ է, որ հանգանակված գումարը չի հատել 10 միլիոն դոլար սահմանագիծը։