Ադրբեջանը ԵԱՀԿ նախարարների խորհրդի անդամներին է ներկայացրել Արցախի հիմնախնդրի հակամարտության կարգավորման վերաբերյալ իր դիրքորոշումը: Ինչպես հայտնում է minval.az-ը, հրապարակված փաստաթղթում ասվում է, որ Ադրբեջանը նախկինի պես հակված է «քաղաքական ճանապարհով հակամարտության լուծմանը՝ ԵԱՀԿ Մինսկի խմբի շրջանակում»:

Փաստաթղթում նշվում է, որ «հակամարտության կարգավորումը հնարավոր է միայն միջազգային իրավունքի նորմերի ու սկզբունքների հիման վրա՝ հարգելով Ադրբեջանի տարածքային ամբողջականությունն ու ինքնիշխանությունը»:

Ըստ Բաքվի՝ առաջին քայլը պետք է լինի հայկական զորքի դուրսբերումը Ղարաբաղից և Ղարաբաղի փոխանցումն Ադրբեջանի կազմ, որից հետո Ղարաբաղի ադրբեջանական և հայկական համայնքների խաղաղ գոյակցություն»: