Դատարանը հեռացավ խորհրդակցական սենյակ՝ մեղադրող դատախազի բացարկի վերաբերյալ որոշում կայացնելու

Երեւան քաղաքի ընդհանուր իրավասության դատարանը դատավոր Աննա Դանիբեկյանի նախագահությամբ քիչ առաջ հեռացավ խորհրդակցական սենյակ՝ Ռոբերտ Քոչարյանի եւ մյուսների գործով մեղադրող դատախազ Կարեն Բիշարյանի բացարկի վերաբերյալ որոշում կայացնելու:

Դատարանը որոշումը կհրապարակի այսօր ժամը 17:45-ին:

Դատախազին բացարկի միջնորդություն ներկայացրել էր Քոչարյանի պաշտպաններից Հովհաննես Խուդոյանը, որին միացել էին նաեւ մյուս պաշտպանները, առարկել՝ տուժող եւ մեղադրող կողմը: