Սոցցանցերում գրառումների համար Ադանայում 46 քաղաքացի է բերման ենթարկվել
Աշխարհի տարբեր կողմերից դատապարտող հայտարարություններ են տարածվել Թուրքիայի կողմից Սիրիայի հյուսիս-արևելքում իրականացվող «Խաղաղության ակունք» ռազմական գործողության թեմայով: Այս մասին հայտնում է Ermenihaber-ը:
Միջազգային քննադատական արձագանքներին զուգահեռ Թուրքիայի բազմաթիվ քաղաքացիներ ևս սոցցանցերում այդ գործողության հասցեին քննադատական գրառումներ են կատարել:
Սոցցանցերում քննադատական հրապարակումների համար Ադանայում 46 օգտատեր է բերման ենթարկվել:
Ադանայի նահանգային ոստիկանական բաժանմունքի անվտանգության վարչության ստորաբաժանումները քաղաքացիներին բերման են ենթարկել «սև քարոզչություն իրականացնելու, ժողովրդի մեջ ատելություն տարածելու» հոդվածի հատկանիշներով:
