Ինչու՞ են հայ լրագրողները մեկնել Բաքու
ՀՀ ԱԳՆ-ն պատասխանել է Բաքու մեկնած լրագրողների վերաբերյալ հարցին, թե ովքեր և ինչ ծրագրով են մեկնել Բաքու:
«Նոյեմբերի 17-21-ը տեղի է ունեցել լրագրողների խմբերի փոխանակում. Հայաստանի և Արցախի ԶԼՄ ներկայացուցիչներն այցել են Ադրբեջան, իսկ ադրբեջանական ԶԼՄ ներկայացուցիչները՝ Հայաստան և Արցախ:
Ծրագիրը նախապատրաստվել և կյանքի է կոչվել ԵԱՀԿ գործող նախագահի անձնական ներկայացուցչի համակարգմամբ և Հայաստանի, Արցախի և Ադրբեջանի համապատասխան գերատեսչությունների ներգրավմամբ»,-ասված է ԱԳՆ պատասխանում:
Մեր տեղեկություններով՝ հայկական կողմից երեք լրագրող է մեկնել Բաքու, որոնցից երկուսը՝ Հայաստանից, մեկը՝ Արցախից: Մեզ հայտնի է՝ որ լրատվամիջոցներից են մեկնողները, իսկ ավելի հստակ ու մանրամասն շուտով իրենք պաշտոնապես կհայտարարեն:
