«Դոլմամա»-ի վնասի չափը կորոշվի, երբ պարզվի, թե որքան ջուր է լցվել առաջին հարկ. մանրամասներ
«Դոլմամա» ռեստորանի տանիքի կրակն առաջացել է հարևան շենքում բռնկված հրդեհից: Այս մասին armtimes.com-ի հետ զրույցում ասել է «Դոլմամա»-ի աշխատակիցներից մեկը:
Հարևան շինությունում, ըստ նրա, հրդեհը սկսվել է վերանորոգման աշխատանքների պատճառով, սակայն սա ընդամենը ենթադրություն է: Քննությունը դեռ ընթացքի մեջ է:
Հարցին, թե ինչ չափի վնասներ է կրել ռեստորանը, աշխատակիցը պատասխանեց, որ տանիքի միայն մի փոքր մասն է վառվել, սակայն հրշեջ ծառայությունների բաց թողած ջուրը թե ինչքանով կլցվի առաջին հարկ և ինչ վնասներ կտա, կարող են ասել միայն վաղը:
Հիշեցնենք, որ այսօր 13:59-ին ԱԻՆ ահազանգ է ստացվել, որ Երևանի Աբովյան և Պուշկին փողոցների խաչմերուկում՝ երկհարկանի շինության տանիքում, հրդեհ է բռնկվել: Ժամը 16:08-ին հրդեհը մեկուսացվել է, 17:00-ին՝ մարվել:
