Նապոլեոնի ճտքակոշիկներն աճուրդի կհանեն Փարիզում
Փարիզի Drouot աճուրդի տունը վաճառքի Է հանում Նապոլեոն Բոնապարտին պատկանող 40 չափսի ճտքակոշիկները: Աճուրդներն անցկացվելու են նոյեմբերի 29-ին: Այդ մասին, ինչպես տեղեկացնում Է «Արմենպրես»-ը, ասվում Է Drouot-ի հայտարարության մեջ:
Նապոլեոնը, ինչպես վկայում են պատմաբանները, այդ բոտֆորտները պատվիրել Էր փարիզցի կոշկակար Ժակի մոտ, որի արհեստանոցը գտնվում Էր Մոնմարտր փողոցում: Դրա յուրաքանչյուր զույգը կայսեր վրա նստում Էր մոտավորապես 80 ֆրանկ:
Հավաքորդների կողմից առաջարկվող ճտքակոշիկներով Նապոլեոնը քայլում Էր Սուրբ Հեղինե կղզում: Զգալով մոտալուտ մահը հիվանդության պատճառով՝ նա իր բոլոր իրերը հանձնել Էր իր շրջապահի մարդկանց, որպեսզի նրան
Նա հետագայում դրանք ժամանակավորապես տրամադրել Է իտալական ծագմամբ ֆրանսիացի քանդակագործ Կառլո Մարոկետիին, որին հանձնարարվել Էր աշխատել նախկին կայսեր արձանի վրա: Ճտքակոշիկները Բերտրանի մահվան պատճառով նրան չեն վերադարձվում. դրանք խնամքով պահպանել Է քանդակագործի որդին՝ բարոն Մարոկետին:
Հետագայում նա բոտֆորտները նվիրում Է սենատոր Պոլ լե Ռուին, որի ժառանգների մոտ Էլ դրանք պահպանվել են: Այժմ ճտքակոշիկները, ինչպես սպասվում Է, Փարիզի աճուրդում կվաճառվեն ոչ պակաս, քան 50-80 հազար եվրոյով, հաղորդել Է ՏԱՍՍ-ը:
