Բողոքի ակցիա․ պահանջը՝ «ՀուԶանք ու Զանգ» ներկայացմանը մասնակցած ավագանու անդամի հրաժարականը
«Այլընտրանքային քաղաքապետարան» նախաձեռնությունն այս պահին բողոքի ակցիա է իրականացնում «Քաղաքացիական պայմանագիր» կուսակցության գրասենյակի դիմաց՝ պահանջելով դադարեցնել «Իմ քայլը» խմբակցության ավագանու քարտուղար Հասմիկ Խաչունցի լիազորությունները:
Ավագանու նախկին անդամ Սոնա Աղեկյանը կոչ արեց ՀՀ վարչապետ Նիկոլ Փաշինյանին աչալուրջ լինել, որպեսզի ավագանու անդամը հրաժարական ներկայացնի՝ պնդելով, որ Փաշինյանն առաջինը պետք է մերժի այլասերվածության դրսևորումները ավագանիում:
Հիշեցնենք՝ Հասմիկ Խաչունցը մասնակցել էր նոյեմբերի երկուսին Հանրապետության հրապարակի մետրոյի մոտ կազմակերպված «ՀուԶանք ու Զանգ» ներկայացմանը, որը որոշ քաղաքացիներ որակում են որպես սատանիստական ներկայացում:
