Բանկային համակարգի զարգացման համար կան բավարար հիմքեր. Աբրահամյան

2019 թվականի առաջին ինն ամիսների ընթացքում Հայաստանի բանկային համակարգում արձանագրվել են դրական ցուցանիշներ, լրագրողների հետ հանդիպմանն ասաց Հայաստանի բանկերի միության նախագահ Մհեր Աբրահամյանը։

«Բանկային համակարգը բավական կապիտալիզացված է, ինչը նշանակում է, որ ունակ է կլանել ցանկացած տիպի շոկեր և ռիսկեր։ Սա նշանակում է նաև, որ հետագա աճի և զարգացման համար կան բավարար հիմքեր», - ասաց միության նախագահը։

Նա նշեց, որ իրացվելիության ցուցանիշները նույնպես բարձր են բանկային համակարգում, իսկ սա խոսում է քաղաքացիների և բիզնեսի՝ բանկային համակարգի նկատմամբ վստահության մասին։