Ռուսաստանը Հայաստանին բողոքի նոտա կհղի՝ զենքի տենդերի ձախողման համար, որին մասնակցել է ռուսական ORSIS ընկերությունը։ Այս մասին հաղորդում է «ՌԻԱ Նովոստի»-ն՝ վկայակոչելով համապատասխան փաստաթուղթը։

Բացի այդ, Ռուսաստանը Հայաստանւ պաշտպանության նախարար Դավիթ Տոնոյանին կխնդրի կարգավորել իրավիճակը։

Աղբյուրի խոսքով՝ նոտան արդեն ԱԳՆ-ում է և Հայաստան կուղարկվի։

Դրանում ասվում է, որ ռուսական ընկերության մասնակցության հայտը մերժվել է «առանց ծանրակշիռ հիմքերի», ինչպես նաև այն, որ ORSIS-ն առանց պատճառի ներառվել է «անբարեխիղճ մատակարարների» ցուցակում։

Նոտան ստորագրվել է 2019-ի հոկտեմբերի 22-ին, առևտրի փոխնախարար Օլեգ Ռյազանցևի կողմից և ուղղվել Դավիթ Տոնոյանին։