«Փաստ» թերթը գրում է.

Ըստ թերթի՝ իշխանությանը մերձ աղբյուրի, ազգային անվտանգության ծառայության ՊՊԾ արդեն նախկին պետ, գեներալ  Գրիգորի Հայրապետովի աշխատանքից հեռացման գլխավոր պատճառը եղել է 2001թ. սեպտեմբերի 24-ի լույս 25-ի գիշերը «Առագաստ» սրճարանում Պողոս Պողոսյանի սպանության վերաբերյալ քրեական գործի՝ իշխանության կողմից նորովի բացումը։

Նշյալ աղբյուրի փոխանցմամբ, Հայրապետովին առաջարկվել է ցուցմունք տալ այդ գործի հետ կապված, «հիշել» և ասել, որ Ռոբերտ Քոչարյանն է հանձնարարել Պողոսյանին ծեծել։

Սակայն Հայրապետովը հրաժարվել է՝ ասելով, թե ինքը չի կարող նման ցուցմունք տալ, քանի որ դա իրականությանը չի համապատասխանում։

Առաջարկողն  սկսել է «երեսով տալ», որ նրան նոր իշխանությունը լավ է վերաբերվել, պաշտոնի բարձրացում է արվել, գեներալի կոչում են տվել: 

Այդուամենայնիվ, Հայրապետովը հրաժարվել է՝ նշելով, որ այդպես չի եղել՝ խնդրելով իրեն չխառնել քաղաքական հաշիվների մեջ։ Հայրապետովին ժամանակ են տվել մտածելու, և տեսնելով, որ կոմպրոմատ էլ չկա վրան, առանց զգուշացնելու հրամանը տվել և ազատել են աշխատանքից։

Մեր աղբյուրը նաև հավելեց, որ ՊՊԾ այլ սպաների ևս, որոնք այդ օրը ուղեկցել են Ռոբերտ Քոչարյանին և Շարլ Ազնավուրին, նույն առաջարկով դիմել են, սակայն դեռևս արդյունքներ չկան:

Մանրամասները թերթի այսօրվա համարում