ՊՆ ծառայողները վթարի են ենթարկվել. կան վիրավորներ

Այսօր՝ հոկտեմբերի 18-ին, խոշոր ավտովթար է տեղի ունեցել Արմավիրի մարզում։ Ժամը 20։45-ի սահմաններում Երևան-Արմավիր ավտոճանապարհի 26-րդ կմ հատվածում՝ ժողովրդին հայտի «Լենտռասում», բախվել են Land Rover մակնիշի 55 XX 090 համարանիշի և Mercedes C180 մակնիշի 35 ՍZ 633 համարանիշի ավտոմեքենաները։ 

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի մարմնական վնասվածքներով օպերատիվորեն դեպքի վայր ժամանած «Վաղարշապատ» բժշկական կենտրոնի բժիշկների կողմից նախ տեղում առաջին բուժօգնությունն են ստացել, ապա տեղափոխվել «Էջմիածին» բժշկական կենտրոն։ 

Դեպքի վայրում հավաքվածներն ասում էին, որ Mercedes-ի վարորդը ծառայում է ՀՀ ՊՆ N զորամասում՝ որպես սպա, իսկ Land Rover-ի վարորդը ծառայում է ՀՀ ՊՆ N զորամասում՝ որպես ժամկետային զինծառայող։ Հաշվի առնելով այդ հանգամանքը՝ օպերատիվորեն ժամանել են նաև ՀՀ ՊՆ ռազմական ոստիկանության Արմավիրի մարզային ռազմական ոստիկանության վարչության Էջմիածնի ռազմական ոստիկանության ծառայողները՝ բաժնի պետ, գնդապետ Վահագն Աղաջանյանի գլխավորությամբ, ովքեր վթարի վայրից մեկնեցին «Վաղարշապատ» բժշկական կենտրոն։ 

Մանրամասները shamshyan.com-ում