Սերբիայի մայրաքաղաք Բելգրադում Միջպառլամենտական համաշխարհային միության Միավորված ազգերի կազմակերպության հանձնաժողովի նիստում ադրբեջանցի պատգամավորներից մեկը նորից սկսել է արտասանել պատճենահանված նույն տեքստը, ինչը որ ասվել էր Ստրասբուրգում, միջազգային այլ հարթակներում՝ կապված իբր Հայաստանի կողմից Ադրբեջանի տարածքային օկուպացիային: Այս առնչությամբ ՀՀ ԱԺ պատգամավոր Միքայել Մելքումյանի գրասենյակից հայտնում են, որ վերջինս շատ կարճ եւ տեղին բացատրեց նրան, որ Խորհրդային Ադրբեջանի փլուզումից հետո Ադրբեջանը նույնպես մասնատվել է, եւ Լեռնային Ղարաբաղի ժողովուրդը հանրաքվեով որոշել է իր ճակատագիրը: Մ. Մելքումյանը նորից շեշտեց, որ այդ տարածքներում ապրել են հայեր, ապրում են եւ հավերժ ապրելու են, եւ որ այնտեղ ապրելու իրենց իրավունքը նրանք վաստակել են դեռեւս ապուպապերից, շատ հին ժամանակներից, իսկ ադրբեջանցիները քոչվոր եկածներ են: