Քոբանին ամբողջությամբ անցավ Սիրիական կառավարական զորքի վերահսկողության տակ (տեսանյութ)
Քոբանին ամբողջությամբ անցավ Սիրիական կառավարական զորքի և Սիրիայի դեմոկրատական ուժերի վերահսկողության տակ: Այս մասին ֆեյսբուքյան իր էջում գրել է թուրք-քրդական հարցերով փորձագետ Կարեն Հովհաննիսյանը, հրապարակելով տեսանյութ:
Նշենք, որ Քոբանին անմիջապես գտնվում է Թուրքիայի հետ սահմանին:
Հիշեցնենք, որ հոկտեմբերի 9-ին Թուրքիան հայտարարել է Սիրիայի հյուսիսում ռազմական գործողության մեկնարկի մասին, որի արդյունքում երկիրն արդեն հարվածներ է հասցրել սիրիական Թել Աբյադ, Ռաս էլ Այն քաղաքներին ու այլ բնակավայրերի:
Նպատակը տարածքը «ՔԱԿ-ի ահաբեկիչներից մաքրելն է», այնտեղ անվտանգության գոտի ստեղծելն ու 3-4 միլիոն սիրիացի փախստականներին այնտեղ բնակեցնելը: Ինչպես հայտնել է Թուրքիայի նախագահ Ռեջեփ Թայիփ Էրդողանը՝ «Թուրքիան աչք չունի Սիրիայի հողերի վրա»:
