Օդանավակայանում վիճաբանություն կատարելու և հայհոյանքներ տալու համար 2 անձ է ձերբակալվել

Հոկտեմբերի 15-ին` ժամը 17-ին, «Զվարթնոց» օդանավակայանի գծային բաժնի ծառայության վաշտի ոստիկանները մեկնման սրահի հաշվառման սեղանների մոտից, վիճաբանություն կատարելու կասկածանքով և հայհոյանքներ տալու համար, բերման են ենթարկել 25-ամյա հաշվառողին և 46-ամյա մի երևանցու: Այս մասին հայտնում է ՀՀ ոստիկանությունը:

Նշվում է, որ նյութերի նախապատրաստման ընթացքում գծային բաժին է հրավիրվել նաև երևանցի 25-ամյա մեկ այլ երիտասարդ: Նա տվել է խոստովանական բացատրություն, որ նշված վայրում վիճաբանել է հաշվառողի հետ, որը բռունցքով հարվածել է իր դեմքին՝ պատճառելով վնասվածք:
Նշանակվել է դատաբժշկական փորձաքննություն: Նախապատրաստվում են նյութեր: