Նիկոլ Փաշինյանը Արցախի նախագահին չի դիմել որպես մարզպետ. Դավիթ Բաբայան

#Հայաստան/ի վարչապետը չի դիմել #Արցախ/ի նախագահին որպես մարզպետ, էդպիսի բան չի եղել։

Այս մասին իր ֆեյսբուքյան էջում գրել է Արցախի Հանրապետության նախագահի մամուլի խոսնակ Դավիթ Բաբայանը:

«Գիտե՞ք, եթե կա քննադատություն, քննադատությունը պետք է լինի տեղին և կառուցողական, էդպիսի բան չի եղել։ Նա ասել է հարգելի պարոն նախագահ, հարգելի պարոն Սահակյան, մարզպետ բառակապակցությունը չի կարող օգտագործվել, դա անհնարին է:

Ես այնտեղ կանգնած էի բազմաթիվ այլ լրագրողների հետ, էդպիսի բան չի ասել: Եվ ոչ միայն ես այդտեղ էի, այլև ստանալով նման ահազանգեր, մենք 5 անգամ տեղում լսել ենք այդ ձայնագրությունը, ուղղակի մի պահ չգիտեմ շշուկներ էին, ձայներ էին, միգուցե լավ չէին լսվում, բայց ինքը չի ասել մարզպետ, չի կարող էդպիսի բան լինել:

Եթե էդպիսի բան լիներ, հավատացեք, որ առաջինը մենք էինք արձագանքելու տեղում, անհնարին է այդպիսի բան լինի: Եթե այդպիսի բան լինի, սա կլինի շատ սարսափելի երևույթ»,- գրել է Բաբայանը: