Երեւանում աշխատանքն է շարունակում WCIT 2019 տեղեկատվական տեխնոլոգիաների համաշխարհային համաժողովը: Քիչ առաջ Մարզահամերգային համալիր է ժամանել ամերիկյան ռեալիթի շոուի աստղ Քիմ Քարդաշյանը: Վերջինս անկեղծացել է՝ բավական հուզված է:

«Հաճելի է լինել այստեղ՝ Հայաստանում», – իր խոսքը սկսել է Քարդաշյանը։

Նախատեսվում է, որ Քարդաշյանը ելույթ կունենա «Գաղափարների շուկա» լիագումար նիստում: Այս ելույթից հետո Քիմ Քարդաշյան-Վեսթը դեմ առ դեմ հարցազրույց կունենա, դրանից հետո արդեն կմիանա համաժողովի մասնակից Ականավոր գործիչների խմբին: Նրանց շարքում կլինի նաև համաշխարհային ճանաչում ունեցող հայկական «PicsArt» ընկերության համահիմնադիր և գործադիր տնօրեն Հովհաննես Ավոյանը, հենց նա էլ կշարունակի հետագա քննարկումները։