Այս պահին արդեն փոփոխվում և նորոգվում է 20 վերելակ. Մարության
Երևանի քաղաքապետ Հայկ Մարությանն այսօր տեղի ունեցած ավագանու նիստից հետո զրուցել է լրագրողների հետ:
Նա անդրադարձել է Երևանի տրանսպորտի խնդրին և հայտնել, որ ստեղծված է միջգերատեսչական խումբ և 2 օրից փոխվարչապետի հետ հանդիպում կա, որի ընթացքում կքննարկվեն այս հարցում հետագա անելիքները:
Հայկ Մարությանը նաև անդրադարձել է վերելակների խնդրին ու նշել, որ արդեն կայացած տենդերով այս պահին արդեն փոփոխվում է 20 վերելակ. այս մասով ևս ստեղծված է աշխատանքային միջգերատեսչական խումբ, որը պարբերաբար փոխվարչապետի մակարդակով հանդիպումներ և քննարկումներ է ունենում:
