Ռոբերտ Քոչարյանի և մյուսների գործով դատական նիստից առաջ Ռոբերտ Քոչարյանի որդին՝ Լևոն Քոչարյանը, նշեց, որ Ռոբերտ Քոչարյանի մոտ ընթացիկ հետազոտություն է, որն ինչ-որ բան ցույց կտա, լուրջ ոչինչ չկա: Իսկ, թե ինչից է բողոքում Լևոն Քոչարյանը, վերջինս նշեց:

«Անցյալ տարի պետք է գնար ստուգման, հետո բան չարեցին, հիմա ընթացիկ պրոցես է, արյան անալիզներ և այլն»,- ասաց նա և շարունակեց,-դատավոր Աննա Դանիբեկյանի հետ տեղի ունեցածը կարելի է քննարկել ինչ-որ ուրիշ հարթության մեջ՝ ինչքանով էր ճիշտ, սխալ, արժեր, չարժեր, բայց իրավական հարթության մեջ, այն էլ այդպիսի հոդված՝ «արդարադատության խոչընդոտում», դա աբսուրդ է: Այդ տղաները, երևի թե չուզելով, բայց ակամայից երևացող ձևով ցույց տվեցին երկակի ստանդարտը, որ կիրառվում է մեր երկրում, այսինքն՝ Աննա Դանիբեկյանը սեպտեմբերի 16-ին դեռ խորհրդակցական սենյակում պետք է որոշում ընդուներ: ՍԴ որոշումը, որի հիման վրա դատավորը պետք է որոշում կայացներ, երկրի առաջին երկու դեմքերը որակեցին որպես ապօրինի, որի իրավունքը պարզապես չունեին: Հաջորդ օրը Աննա Դանիբեկյանն անտեսեց ՍԴ որոշումը, այսինքն՝ մնացածը չեմ ասում՝ դատարան փակել, այս շենքում դատավորին հրել-գցել, այդ ամենը արդարադատության խոչընդոտում չէ, իսկ եթե լայվով մոտենում են, դուք այդ նյութը, որ նայում եք, վիրավորանք չկա»:

Լրագրողի դիտարկմանը՝ բայց չէ՞ որ խնդրում էր իրեն չնկարել, Քոչարյանն ասել է.

«Ձեզ ինչքան է լինում խնդրենք՝ չնկարեք, մեկ է նկարում եք, իրենք էլ քաղաքական ակցիա են անում, իսկ Դավիթ Բալայանին, որ պատուհանից հրում են, ընկնում է, դրա մասին չեք խոսում, դատախազությունը մերժում է գործ հարուցել, բայց սենց գիշերով «մասկի շոուներով» գնում են, տնից հանում են: Կարելի է ուրիշ հարթության մեջ խոսել, հիշեք Նարեկ Մալյանի հետ ինչ էին արել, էն երեխեքը որ ուզում էին բռնեին, գցեին, նկարողներին բռնե՞լ են, թե՞ չէ»