Քաղաքականություն Կարևոր

Հեյդար Ալիևը կողմ է եղել բանակցությունների եռակողմ ձևաչափին․ Հայ Դատի հանձնախումբը գաղտնի փաստաթուղթ է հրապարակել

Հեյդար Ալիևը կողմ է եղել բանակցությունների եռակողմ ձևաչափին․ Հայ Դատի հանձնախումբը գաղտնի փաստաթուղթ է հրապարակել
ԱՄՆ Հայ դատի հանձնախումբը հրապարակել է Սպիտակ տան կոնֆիդենցիալ փաստաթուղթ, որտեղ մանրամասներ են ներկայացվում 1997 թ․ օգոստոսի 1-ին Օվալաձև աշխատասենյակում ԱՄՆ նախկին նախագահ Բիլ Քլինթոնի և Ադրբեջանի…

ԱՄՆ Հայ դատի հանձնախումբը հրապարակել է Սպիտակ տան կոնֆիդենցիալ փաստաթուղթ, որտեղ մանրամասներ են ներկայացվում 1997 թ․ օգոստոսի 1-ին Օվալաձև աշխատասենյակում ԱՄՆ նախկին նախագահ Բիլ Քլինթոնի և Ադրբեջանի նախկին նախագահ Հեյդար Ալիևի հանդիպմանը տեղի ունեցած խոսակցությունից:

Հայ դատի հանձնախմբի կողմից «Թվիթեր»-ի միկրոբլոգում արված հրապարակման և գրառման մեջ հետաքրքիր մանրամասներ են բացահայտվում առ այն, որ Հեյդար Ալիևը դեմ չի եղել Ղարաբաղյան հիմնախնդրի կարգավորման շուրջ ԵԱՀԿ-ի հովանու ներքո բանակցություններում Արցախի՝ որպես բանակցող կողմ ներգրավելուն:

Ալիևն ասել է. «Ուղղակի բանակցությունների համար Ադրբեջանը, Հայաստանը և Լեռնային Ղարաբաղը ներկայացված են Մինսկի խմբի գործընթացում: Մենք սա շարունակելու ենք...»:

Փաստաթղթում նախագահների խոսակցության սղագրության մեջ երևում է նաև, թե ինչպես է Հեյդար Ալիևը նշում է, որ Ադրբեջանն «ամենաշատը վստահում է Միացյալ Նահանգներին» ու իր համոզմամբ՝ Լեռնային Ղարաբաղի խնդրում ԱՄՆ-ը կարող է բոլորից կարևոր դեր ունենալ»:

Իր հերթին Բիլ Քլինթոնը նշել էր, որ ԱՄՆ-ը շատ լրջորեն է մոտենում ԵԱՀԿ Մինսկի խմբում համանախագահությանը:

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8263) Միջազգային (3567) ԱՄՆ (2406) Ռուսաստան (2321) Իրան (1807) Ընտրություններ (1286) Ուկրաինա (944) Երևան (830) Իսրայել (771) Ադրբեջան (688) Փաշինյան (623) Եվրոպա (539) Ազգային ժողով (527) Ընդդիմություն (504) Թրամփ (464)

Radio Aurora

Լսել Radio Aurora

Գովազդային տարածք

300x250