Դանիբեկյանը հանձնարարեց այսուհետ պարզել դատական նիստերը խանգարողների ինքնությունը
ՀՀ երկրորդ նախագահ Ռոբերտ Քոչարյանի և մյուսների գործով դատական նիստը նախագահող դատավոր Աննա Դանիբեկյանն այսօր հանդես եկավ հայտարարությամբ:
Նա դատական կարգադրիչներին հանձնարարեց այսուհետ դատարանի մյուս հատվածում գտնվող անձանցից որևէ մեկի կողմից դատական նիստի կարգը խանգարելու գործողությունների դեպքում նշված անձը անհապաղ հեռացվի դահլիճից:
Դատավորը նաև հանձնարարեց պարզել նրանց ինքնությունը, ներկայացնել նշված անձանց ցուցակը, որպեսզի դատարանը անհրաժեշտության դեպքում որոշի երկար ժամկետով կամ մինչև գործի քննության ավարտը նրանց դահլիճից հեռացնելու հարցը:
