Անթույլատրելի է այսպիսի հիվանդություններով մարդուն կալանքի տակ պահելը. Գրիգորյանի փաստաբան
Փաստաբան Լևոն Բաղդասարյանը հայտնել է. «Նախկին պատգամավոր, գեներալ-լեյտենանտ Մանվել Գրիգորյանի երկու առաջնային հիվանդություններին ավելացել են մի շարք երկրորդային հիվանդություններ»։
Նա նշեց, որ իր պաշտպանյալի ոտքերն արդեն 70- 80 տոկոսով չեն գործում, առողջական վիճակն օրեցօր վատանում է։ Բաղդասարյանի բնորոշմամբ՝ երկրում գործող փողոցային արդարադատությունը վտանգ է ներկայացնում թե՛ Մանվել Գրիգորյանի առողջության, թե՛ դատաքննության ընթացքի համար։
ԱնդրդառնալովԱռողջապահության նախարար Արսեն Թորոսյանի հայտարարությանը, թե Մանվել Գրիգորյանը նախարարության ուշադրության կենտրոնում է և կյանքին վտանգ չի սպառնում, Բաղդասարյանն ասաց, որ սա արդեն իսկ սուբյեկտիվ մոտեցում է ու ևս մեկ անգամ շեշտեց.
«Անթույլատրելի է այսպիսի հիվանդություններով մարդուն կալանքի տակ պահելը»։
