ՏԵՍԱՆՅՈՒԹ․ Վանեցյանը վաղուց զբաղվել է քաղաքականությամբ․ պատգամավոր
Նա վաղուց արդեն զբաղվել է քաղաքականությամբ, ինչն անհամատեղելի էր իր պաշտոնի հետ: Այս մասին, այսօր՝ սեպտեմբերի 23-ին, ԱԺ-ում լրագրողների հետ զրույցում նշել է «Իմ քայլը» խմբակցության պատգամավոր Հրաչյա Հակոբյանը՝ անդրադառնալով ԱԱԾ տնօրենի պաշտոնից Արթուր Վանեցյանի հեռանալուն:
Պատասխանելով հարցին, թե այդ դեպքում՝ ինչու Վանեցյանին վերջերս գեներալի կոչում տրվեց, պատգամավորն ասաց. «Չեմ կարող ասել, թե ինչու տրվեց գեներալի կոչում, երբ այս ամենը պարզ դարձավ: Ամեն դեպքում, չեմ կարծում, որ վարչապետի այս քայլն ուշացած էր»:
