Մեր խնդիրն է այնպես անել, որ Սփյուռքն իրեն լիարժեք զգա որպես ՀՀ շահառու. Նիկոլ Փաշինյան
Մենք շատ բարձր ենք գնահատում Ձեր կազմակերպության դերն ընդհանրապես հայապահպանման գործում։ Այս մասին ԱՄՆ Արևմտյան ափի Հայկական դեմոկրատ ազատական (Ռամկավար) կուսակցության ղեկավար կազմի հետ հանդիպման ժամանակ ասել է ՀՀ վարչապետ Նիկոլ Փաշինյանը:
«Մեր կառավարության առավելագույն խնդիրն է այն է, որ պոզիտիվ ֆոնը, որն առկա է ՀՀ կառավարության ու Սփյուռքի միջև ոչ միայն պահպանենք, այլև զարգացնենք ու տարածենք: Այսօրվա մեր իրավիճակում հաջողությունները գեներացնելու, կրկնապատկելու համար հարկավոր է ճիշտ աշխատանքային մեխանիզմներ ստեղծել սփյուռքի հետ ու այնպես անել, որ ամբողջ Սփյուռքը իրեն լիարժեք զգա որպես ՀՀ շահառու»,- իր խոսքում ասել է վարչապետը:
ԱՄՆ Արևմտյան ափի Հայկական դեմոկրատ ազատական (Ռամկավար) կուսակցության ղեկավար կազմի ներկայացուցիչներն էլ իրենց հերթին ողջունեցին Նիկոլ Փաշինյանին ու պատիրակությանը և շնորհավորեցին ՀՀ անկախության 28-ամյակի առթիվ:
