Ահազանգ դատարանից՝ բարձր երաժշտությունը խոչընդոտում է աշխատանքին․ ոստիկանություն
Երեւանի ընդհանուր իրավասության դատարանի Շենգավիթի նստավայրից ահազանգ է ստացվել, որ բարձր երաժշտությունը խոչընդոտում է իրենց աշխատանքին. Այս մասին քիչ առաջ, դատարանի բակում հայտարարեց ոստիկանության աշխատակիցը։ Հիշեցնենք, որ Հայաստանի առաջին ատյանի դատարանը կհրապարակի Մարտի 1-ի գործով առանցքային մեղադրյալ, ՀՀ պաշտոնաթող նախագահ Ռոբերտ Քոչարյանի խափանման միջոցի վերաբերյալ որոշումը։ Որոշումը կհրապարակի Շենգավիթի նստավայրի դատավոր Աննա Դանիբեկյանը։
