Բենզա-գազալցականները կստուգվեն առանց ծանուցման, որ չհասցնեն կարգավորումները փոխել
Այսօր Ազգային ժողովն ընդունեց կառավարության ներկայացրած նախագիծը, որով նախատեսվում է բենզալցակայաններում, գազալցակայաններում և այլ նմանատիպ կառույցներում չափագիտական ստուգումներ անցկացնելիս տեսչական խմբերն այլևս պարտավոր չեն լինի 3 օր առաջ ծանուցումներ ուղարկել տնտեսվարողներին։
Արդարադատության փոխնախարարը նշեց, որ բենզալցակայաններում, օրինակ, տեղեկատվական տեխնոլոգիաների զարգացման շնորհիվ հնարավոր է ընդամենը րոպեների ընթացքում փոխել կարգավորումները։
Արդյունքում, ինչպես ներկայացրեց փոխնախարարը, եթե ստուգողները 3 օր առաջ տեղեկացնեն տնտեսվարողին, ապա նա կարող է ամեն ինչ ժամանակավորապես կարգի բերել, մինչև որ ստուգումներն անցնեն, իսկ դրանից հետո վերադառնալ սխալ չափումներով աշխատանքի։
