Բաքվում մետրոպոլիտենի կայարանն անվանակոչել են ի պատիվ Բաքուն նվաճած և բաքվեցիներին սրի քաշած արքայի

Իրանագետ Վարդան Ոսկանյանը ֆեյսբուքյան իր էջում գրել է.

«Ադրբեջանական ինքնության հակասականության և արհեստականության ցուցիչներից մեկն էլ այն է, որ ընդամենը մի քանի օր առաջ Բաքվի բռնապետը այցելել է այդ քաղաքի մետրոպոլիտենի «Շահ Իսմայիլ Խաթայի» վերանորոգված կայարան։

Նախ՝ Սեֆյան Իսմայիլ Ա-ն, ըստ էության, շիայական իրանական կայսրության հիմնադիրը և արքայից արքան էր, երկրորդը՝ հենց այս իրանական շահը երկու անգամ պաշարել և գրավել է Բաքուն՝ հատկապես 1-ին դեպքում արյան մեջ խեղդելով տեղի բնակիչների անհնազանդությունը, իսկ նրա հաջորդ Թահմասպ Ա-ն ողջ Շիրվանն՝ այդ թվում նաև Բաքուն միացրել է Իրանին։

Ստացվում է, որ Բաքվի մետրոպոլիտենի վերակառուցված կայարանը, որտեղ այցելել է նաև Ի․ Ալիևը, անվանակոչված է ի պատիվ Բաքուն նվաճած և բաքվեցիներին սրի քաշած իրանական արքայից արքայի։

Դե, Ադրբեջանում պնդում են թե Սեֆյանները ադրբեջանական արքայատոհմ են, բայց դա, իհարկե, հայտնի անեկդոտի «դու էլ ասա» սկզբունքով է։

#բիզիմդիր
#Ադրբեջանկոչեցյալը»: