Զոհրաբյանը ԱԺ ամբիոնից դիմեց կենդանիներին
ԲՀԿ պատգամավոր Նաիրա Զոհրաբյանն այսօր իր ելույթից առաջ դիմեց ԱԺ նախագահությանը, պատգամավորներին, հասարակությանը, կենդանիների պաշտպանությամբ զբաղվողներին ու չմոռացավ նաև իր նախագծի շահառուներին։
«… և սիրելի կենդանիներ», – դիմեց Զոհրաբյանը։
Նրա և գործընկերների նախագիծը վերաբերում էր կենդանիների պաշտպանությանը՝ կենդանիների նկատմամբ դաժան վերաբերմունքը քրեականացնելուն։ Զոհրաբյանը հայտնեց, որ քաղաքական ուժերի հետ համագործակցությունը ստացվել է, և նախագծի հետ կապված բոլոր մտահոգությունները փարատվել են։
