ՏԵՍԱՆՅՈՒԹ. Քոչարյանն, այնուամենայնիվ, բարևել է Սեյրան Օհանյանին
Երեկ միջադեպերի պակաս չկար ոչ դատարանի բակում, ոչ նիստերի դահլիճում։ Նիստի սկսելուց ժամեր հետո սոցանցներում և որոշ լրատվամիջոցներում տարածվեց մի տեսանյութ, որտեղ Ռոբերտ Քոչարյանը չի բարևում նախկին ՊՆ նախարար Սեյրան Օհանյանին, և վերջինիս ձեռքը մնում է օդում պարզած։ Տեսանյութը արագ տարածվեց հնարավոր բոլոր սոցհարթակներում, դարձավ գրառումների, քննարկումների, հումորների թեմա։
ArmDaily.am-ը ներկայացնում է տեսանյութի իրական, չմոնտաժված տարբերակը, որտեղ հստակ երևում է, որ դահլիճ մտնելուց հետո Քոչարյանը բարևում է Արմեն Գևորգյանին և նրա փաստաբանին։ Ապա Յուրի Խաչատուրովի շահերի պաշտպան Միհրան Պողոսյանը ձեռքը պարզում է բարևելու համար, սակայն պաշտոնաթող նախագահը չի նկատում նրան։ Երկրորրդ անգամ պտտվելով դեպի ամբաստանյալները՝ Քոչարյանը բարևում է ինչպես Յուրի Խաչատուրովին, այնպես էլ Սեյրան Օհանյանին՝ չնկատելով փաստաբանի օդում պարզված ձեռքը։
