Սահմանվել են ջրի ոչ նպատակային օգտագործման վնասի հաշվարկման արդյունքները
Բնապահպանության և ընդերքի տեսչական մարմնից հայտնում են.
«Հայաստանի Հանրապետության կառավարության կողմից 2019 թվականի սեպտեմբերի 5-ին ընդունված «Հայաստանի Հանրապետության կառավարության 2003 թվականի օգոստոսի 14-ի «Ջրային ռեսուրսների վրա տնտեսական գործունեության հետևանքով առաջացած ազդեցության գնահատման կարգը հաստատելու մասին» N 1110-Ն որոշման մեջ փոփոխություններ և լրացումներ կատարելու մասին» N 1176–Ն որոշմամբ սահմանվել են ջրի անտնտեսվար կամ ոչ նպատակային կամ առանց ջրօգտագործման թույլտվության կամ ջրօգտագործման թույլտվությունից ավելի ջրային ռեսուրսների ջրառի իրականացման հետևանքով ջրային ռեսուրսների վրա տնտեսական ազդեցության գնահատման և դրա արդյունքում պատճառվող վնասի հաշվարկման հիմքերը, բանաձևը, ինչպես նաև տնտեսական ազդեցության գնահատման հաշվարկում օգտագործվող նոր չափաքանակները:
Որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը»։
