ՌԴ-ում վարորդական իրավունքի սահմանափակումը տարածվում է միայն ՀՀ-ի վրա. Շավարշ Քոչարյան
ԱԺ-ն շարունակում է քառօրյան։ Այսօր պատգամավորների հարցերին պատասխանում է ԱԳ փոխնախարար Շավարշ Քոչարյանը։ Պատգամավորներից Վաղարշակ Հակոբյանը հետաքրքրվեց, շթե ի՞նչ փուլում է գտնվում ՀՀ-ի քաղաքացիների՝ ՌԴ-ում վարորդական իրավունքների խնդիրը։
Քոչարյանը նշեց, որ երեկ Մոսկվայում Եվրասիական տնտեսական խորհրդի նիստն էր, որտեղ օրակարգում կար այդ հարցը։
«Այդ հարցը քննարկվում է երկու ուղղությամբ՝ բազմակողմ և միակողմ: Բազմակողմ քանի որ համապատասխան պայմանագիրը Եվրասիական տնտեսականի մասին չի նախատեսում սահմանափակում: Երկկողմ, քանի որ այս սահմանափակումն իրականացվել է համապատասպան ռուսական օրենքով և օրենքն այնպես է ընդունվել, որ անդամ պետություններից միայն Հայաստանի վրա է տարածվում այդ սահմանափակումը: Այդ ուղղությամբ աշխատանքը շարունակվում է և մենք հուսով ենք, որ կհասնենք արդյունքի»,- ասաց նա։
