Կա՞ մեկը, որ կարծում է «Լիդիանը» չի խախտել պայմանագրի դրույթները. Արա Պապյան

Դիվանագետ Արա Պապյանը ֆեյսբուքյան իր էջում գրել է. «Արդյոք կան հիմքեր «Լիդիան Արմենիա»-ի հետ պայմանագիրը չեղարկելու համար:

Իհարկե, կան և դրանք ամրագրված են պայմանագրի 6.3.1 կետում: Այն է` «Լիազոր մարմնի նախաձեռնությամբ՝ ընդերքօգտագործողի կողմից պայմանագրի դրույթների խախտման դեպքում»:

Կա՞ մեկը, որ կարծում է` ընդերք օգտագործողը՝ տվյալ դպքում «Լիդիանը», չի խախտել պայմանագրի դրույթները: 

Հպանցիկ զննումն անգամ ցույց է տալիս, որ խախտել է: Ասեմ, որ պայմանագրի հիմք է հանդիսացել «ՀՀ քաղաքացիական օրենսգիրքը, ՀՀ օրենքի մասին օրեսգիրքը և այլ իրավական ակտեր»:

Պայմանագրում ոչ մի հղում միջազգային օրենսդրության կամ միջազգային արբիտրաժին չկա: Ասեմ նաև, որ պայմանագիրն ստորագրվել է 2012թ. սեպտեմբերի 26-ին ՀՀ էներգետիկայի և բնական պաշարների նախարար Արմեն Մովսիսյանի (լիազոր մարմին) և ընդերքօգտագործող «Գեոթիմ» ՓԲԸ ներկայացուցիչ Հայկ Ալոյանի միջև: «Լիդիան Արմենիան» դեռ չկար:

Միայն 2016թ. օգոստոսի 18-ի փաստաթղթով նշյալ պայմանագրի մեջ «Գեոթիմ» ՓԲԸ բառերը փոխարինվել են «Լիդիան Արմենիա» ՓԲԸ բառերով: Այս փաստաթուղթն ստորագրել են ՀՀ էներգետիկայի և բնական պաշարների նախարար Լևոն Յոլյանը և «Գեոթիմ» ՓԲԸ-ն` հանձին Հայկ Ալոյանի»: