Խոշոր ավտովթար Սյունիքի մարզում. մեկ զոհ կա
Կապանի բժշկական կենտրոնի վերակենդանացման բաժանմունքում մահացել է 43-ամյա Մասիս Մ.-ն, ով հիվանդանոց էր տեղափոխվել սեպտեմբերի 7-ին Կապան-Ճակատեն ավտոճանապարհին տեղի ունեցած խոշոր ավտովթարից հետո: Այս մասին տեղեկանում ենք shamshyan.com-ից:
Ինչպես հայտնում է ֆոտոլրագրող Գագիկ Շամշյանը, այդ օրը ժամը 16:20-ի սահմաններում Սյունիքի մարզի բնակիչ, 42-ամյա Անդրանիկ Ա.-ն իր վարած ВАЗ 2106 մակնիշի 35 FO 750 համարանիշի ավտոմեքենայով Կապան-Ճակատեն ավտոճանապարհի 11-րդ կմ հատվածում դուրս էր եկել երթևեկելի գոտուց և մի քանի մետր գլորվելով՝ հայտնվել ձորում: Վթարի հետևանքով վարորդ Անդրանիկ Ա.-ն և նրա ուղևոր, Մասիս Մ.-ն տեղափոխվել էին Կապանի բժշկական կենտրոն:
