Ջուլֆալակյանը կարող է պաշտոն ստանալ Երևանի քաղաքապետարանում

Հայաստանի հունահռոմեական ըմբշամարտի հավաքականի նախկին գլխավոր մարզիչ Լևոն Ջուլֆալակյանը հնարավոր է` գլխավորի Երևանի քաղաքապետարանի սպորտի բաժինը: Մասնագետը օրերս այցելել է քաղաքապետարան, որտեղ քննարկել է նոր պաշտոնի նշանակման հարցը:

ArmSport-ի հետ զրուցում քաղաքապետի մամուլի խոսնակ Հակոբ Կարապետյանը նշել է, որ Ջուլֆալակյանը այցելել է քաղաքապետարան, միաժամանակ ընդգծելով, որ վերջինիս հետ քննարկվել է մայրաքաղաքի սպորտի զարգացման և սպորտային կյանքի խթանման մի շարք հարցեր: Իսկ նշանակման տեղեկությունը Կարապետյանը ո´չ հերքել է, ո´չ էլ հաստատել՝ հավելելով միայն, որ Ջուլֆալակյանը հանդիպել է անձամբ քաղաքապետ Հայկ Մարությանին, որի հետ էլ հենց քննարկվել է սպորտի բաժինը ղեկավարելու առաջարկը: Ջուլֆալակյանի հետ համագործակցելու քաղաքապետարանի ակնկալիքները «դրական են»:

Հիշեցնեք, որ Լևոն Ջուլֆալակյանը վերջերս է հեռացել Հայաստանի հունահռոմեական ոճի հավաքականի գլխավոր մարզչի պաշտոնից: