Երևանում 6-րդ հարկից ընկած 2.5 տարեկան երեխայի ծնողներն օգնության կարիք ունեն

Երևանի Թումանյան փողոցի շենքերից մեկի 6-րդ հարկից ընկած երկուսուկես տարեկան երեխայի ծնողները վարձով բնակարան են փնտրում։ Facebook սոցիալական ցանցում այս մասին գրել է օգտատեր Վանուհի Թովմասյանը` նշելով, որ երեխայի ընտանիքը սարսափելի դեպքի նախորդ օրն է ԱՄՆ–ից Հայաստան եկել և տուն վարձակալել իրենց շենքում։ 

«Ուրիշի ցավը միշտ կիսող իմ սրտացավ հայ ժողովուրդ, Արթինն իր ընտանիքի հետ 2 օր առաջ Հայաստան ժամանեց և տուն վարձեց իմ շենքի նույն հարթակի բնակարաններից մեկում։ Հենց հաջորդ օրը տեղի ունեցավ ահավոր ողբերգությունը. ավագ որդի Արդվինը, որն ընդամենը 2.5 տարեկան է, 6-րդ հարկի պատուհանից գլորվեց»,- գրել է նա։

Թովմասյան նշում է` ընտանիքը ճամփորդական բժշկական ապահովագրություն չի վերցրել` մտածելով, որ 10 օրում ոչինչ չի պատահի, իսկ ԱՄՆ-ի դեսպանատնից ընտանիքին հայտնել են, որ ամերիկյան ապահովագրությունն այստեղ չի անցնի։ Բացի դրանից ընտանիքը պետք է փոխի միջավայրը, որ կատարվածի հիշողությունից չխենթանա։ Գիտեք նաև, թե փոքր կենտրոնում որքան թանկ է վարձը, իսկ բուժումը կարող է շատ երկար տևել»,- գրել է նա: