Այսօր՝ սեպտեմբերի 7-ին, խոշոր ավտովթար է տեղի ունեցել Երևանում։ Ժամը 02։20-ի սահմաններում Ռուբինյանց փողոցի թիվ 27 հասցեի դիմաց բախվել են Կոտայքի մարզի բնակիչ՝ 32-ամյա Էդգար Ս-ի վարած BMW  և Երևանի բնակիչ՝ 33-ամյա Սևակ Ա-ի վարած Nissan Versa մակնիշի ավտմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով BMW-ի ուղևոր՝ Երևանի բնակիչ, 30-ամյա Գարիկ Գ-ն մարմնական վնասվածքներով տեղափոխվել է Միքայելյան վիրաբուժական ինստիտուտ, իսկ Nissan-ի վարորդ Սևակ Ա-ն, նրա ուղևորներ՝ Երևանի բնակիչներ, 58-ամյա Մարինե Մ-ն, 33-ամյա Տաթևիկ Մ-ն, 34-ամյա Արմինե Ա.-ն, 9-ամյա Դավիթ Ա-ն, 6-ամյա Անահիտ Ա-ն մարմնական վնասվածքներով տեղափոխվել են Սուրբ Գրիգոր Լուսավորիչ բժշկական կենտրոն, որտեղից Դավիթ և Անահիտ Ա-երը տեղափոխվել են Սուրբ Աստվածամայր բժշկական կենտրոն, իսկ Արմինե Ա-ն՝ էրեբունի բժշկական կենտրոն։ 

Լուսանկարները՝ Գագիկ Շամշյանի