Մանվել Գրիգորյանի դուստրը՝ եղբոր կողմից արձակած կրակոցների մասին. «Որ ինձ անհանգստացնի, ես կհետաքրքրվեմ»

Ինչպես արդեն հայտնել ենք, երեկ Արշալույս գյուղի վարչական տարածքում կրակոցներ են հնչել։ Ոստիկանները պարզել են, որ ստացված օպերատիվ տեղեկությունները հավաստի են եղել և Արշալույս գյուղի սկզբնամասում ճանապարհը չզիջելու հարցի շուրջ վիճաբանություն է տեղի ունեցել Արարատի մարզի բնակիչ, 30-ամյա Կորյուն Խ.-ի և Էջմիածին քաղաքի բնակիչ, 26-ամյա Արա Գ.-ի միջև: Վիճաբանության ժամանակ Արա Գ.-ն իր մոտ եղած ատրճանակը ուղղել է Կորյուն Խ.-ի ուղղությամբ և կրակոց արձակել: Արա Գրիգորյանը Մանվել Գրիգորյանի որդին է։ 

ArmDaily.am-ը միջադեպի առնչությամբ փորձեց պարզաբանում ստանալ Մանվել Գրիգորյանի դատավոր դստերից՝ Նաիրա Գրիգորյանից, ով նշեց. «Ճիշտն ասած ոչ մի բանից տեղյակ չեմ, այս պահին էլ աշխատավայրում եմ»։

Դիտարկմանը՝ մեր կողմից նման հարցադրում լսելուց հետո չանհանգստացրե՞ց լուրը Ձեզ՝ Գրիգորյանը արձագանքեց. «Որ ինձ անհանգստացնի, ես կհետաքրքրվեմ, ասենք հիմա ասացի անհանգստացա, ի՞նչ պիտի անեք դուք»։

Նշենք, որ փաստի առթիվ ոստիկանության Վաղարշապատի բաժնի հետաքննչական բաժանմունքի ավագ հետաքննիչ Փայլակ Շմավոնյանի կողմից նյութեր են նախապատրաստվում: Արա Գ.-ն ստորագրությամբ բաց է թողնվել: